“मतदारांनी मोठ्या संख्येने मतदानात सहभागी व्हावे” — ॲड. भाऊसाहेब पवार व ॲड. सुमेध ठाणेदार यांचे आवाहन

🔴 बार कौन्सिल ऑफ महाराष्ट्र अँड गोवा निवडणुकीसाठी उद्या मतदान; विधीज्ञांमध्ये उत्सुकता शिगेला

सांगली: विशेष प्रतिनिधी 

राज्यातील विधी क्षेत्रासाठी अत्यंत महत्त्वपूर्ण मानली जाणारी बार कौन्सिल ऑफ महाराष्ट्र अँड गोवा  ची निवडणूक उद्या पार पडणार असून, महाराष्ट्र आणि गोवा राज्यातील हजारो विधीज्ञ मतदानाचा हक्क बजावणार आहेत.

या निवडणुकीकडे संपूर्ण वकीलवर्गाचे लक्ष लागले असून विविध पॅनल, गट आणि उमेदवारांनी जोरदार प्रचार केला आहे. सांगली, कोल्हापूर, पुणे, मुंबईसह राज्यभरात गेल्या काही दिवसांत प्रचारसभा, वैयक्तिक भेटी आणि संवादाच्या माध्यमातून मतदारांपर्यंत पोहोचण्याचा प्रयत्न करण्यात आला.

या निवडणुकीत निवडून येणारे सदस्य पुढील काळात वकिलांचे हक्क, व्यावसायिक हित, शिस्तपालन तसेच न्यायव्यवस्थेतील विविध धोरणात्मक निर्णयांमध्ये महत्त्वाची भूमिका बजावणार आहेत. त्यामुळे ही निवडणूक केवळ औपचारिक नसून वकीलवर्गाच्या भवितव्यासाठी निर्णायक ठरणार आहे.

मतदान प्रक्रियेसाठी सर्व तयारी पूर्ण झाली असून, शांततापूर्ण आणि पारदर्शक पद्धतीने मतदान पार पाडण्याचे आवाहन प्रशासन व निवडणूक अधिकाऱ्यांकडून करण्यात आले आहे.

ॲड भाऊसाहेब पवार यांचे मतदारांना आव्हान

“मतदारांनी मोठ्या संख्येने मतदानात सहभागी होऊन ही निवडणूक यशस्वी करावी,” असे आवाहन त्यांनी केले आहे.

एकंदरीत उद्याच्या मतदानानंतर निकालाकडे सर्वांचे लक्ष लागणार असून, कोणाची बाजू भारी पडणार याबाबत उत्सुकता वाढली आहे.