“ॲड प्रमोद भोकरे यांच्या विजयासाठी कोकणातही रणशिंग” ॲड“भाऊसाहेब पवार यांच्या नेतृत्वाखाली प्रचार वेगात”

 न्याय विश्व साप्ताहिक | विशेष बातमी

मालवण–कुडाळ–कणकवलीत भोकरे यांचा झंझावाती प्रचार; ॲड. भाऊसाहेब पवार यांच्या नेतृत्वाखाली मोहीम

मालवण/कुडाळ/कणकवली | प्रतिनिधी :

बार कौन्सिल ऑफ महाराष्ट्र अँड गोवा निवडणूक 2026 च्या पार्श्वभूमीवर ॲड. प्रमोद अंकुश भोकरे यांच्या प्रचारार्थ मालवण, कुडाळ व कणकवली येथे झंझावाती प्रचार मोहीम पार पडली. ही मोहीम सांगली वकील संघटनेचे माजी अध्यक्ष ॲड. भाऊसाहेब पवार यांच्या नेतृत्वाखाली राबविण्यात आली.

या दौऱ्यात स्थानिक विधीज्ञांची भेट घेऊन ॲड. भोकरे यांना निवडून देण्याचे आवाहन करण्यात आले. यावेळी मालवण, कुडाळ व कणकवली येथील वकील मतदारांनी ॲड. भोकरे यांच्या उमेदवारीबाबत सकारात्मक भूमिका व्यक्त करत त्यांना ठाम पाठिंबा दर्शविला.

🔹 “निष्कलंकित व सक्षम नेतृत्व” — कोकणातील वकिलांचा विश्वास

🗣️ “ॲड. प्रमोद भोकरे हे निष्कलंकित चेहरा असून सर्वसामान्य वकिलांसाठी झटणारे, उच्च विद्याभूषित व सक्षम प्रतिनिधित्व करणारे नेतृत्व आहे. कोल्हापूर येथे सर्किट बेंच स्थापनेसाठी सांगलीने नेहमीच आमच्या पाठीशी उभे राहत पाठबळ दिले आहे. त्याचप्रमाणे ॲड भोकरे हेही आमच्या हक्कांसाठी ठामपणे उभे राहतील, याबाबत आम्हाला खात्री आहे.” 

 “ॲड.भोकरे हे निश्चितच निवडून येतील, यासाठी आम्हीही सक्रियपणे प्रयत्न करत आहोत.” असा सकारात्मक प्रतिसाद दिल्या बाबत ॲड भाऊसाहेब पवार यांनी न्याय विश्व कडे प्रतिक्रिया व्यक्त करताना सांगितले.

🔹 मान्यवरांची उपस्थिती

या प्रचार मोहिमेत सांगली वकील संघटनेतील अनेक पदाधिकारी व मान्यवर सहभागी झाले होते. त्यामध्ये —

ॲड. भाऊसाहेब पवार (माजी अध्यक्ष), ॲड. फारुख मुजावर (माजी उपाध्यक्ष), ॲड. अर्चना उबाळे (माजी सचिव), ॲड. सीमा बनसोडे, ॲड. संदीप मोकाशी आदींचा समावेश होता.

🔹 कोकणातून वाढता पाठिंबा

कोकणातील विधीज्ञांकडून मिळणारा सकारात्मक प्रतिसाद पाहता ॲड. भोकरे यांच्या उमेदवारीला राज्यभरातून बळ मिळत असल्याचे चित्र स्पष्ट होत आहे. सर्वसामान्य वकिलांचे प्रश्न प्रभावीपणे मांडणारे नेतृत्व म्हणून त्यांच्याकडे पाहिले जात असून, या प्रचार दौऱ्यामुळे त्यांची पकड अधिक मजबूत झाल्याचे दिसून येते.

✍️ न्याय विश्व साप्ताहिक

“न्याय, सन्मान आणि प्रत्येक वकिलाचा आवाज!”